E silia i le 350 i latou o loo masalomia o sui o le kulupu o le setete Isalama poo le Islamic State Group ua taofia nei i se vaega o galuega faagasolo a leoleo i Take poo Turkey ma ua faailoa e le Minisita e vaaia lea auaunaga, Ali Yerlikaya i le BBC o i latou ia na maua ma pu’eina i osofaiga poo raids sa faia i itumalo e 21 o le atunuu.
Ua faia ia osofaiga i le mae’a o le aso talu ona fasiotia nai alii leoleo e toatolu ma isi militants e toaono i le faalavelave na tupu i le itu i matu i sisifo o le taulaga o Yalova i Turkey lava.
O le faalavelave lava foi lea o loo manunu’a ai isi malu o le malo e to’avalu (8).
Faailo e le ali’i Minisita e le’i iai lava se avanoa e tuuina ai le atunuu i o latou tulivae i le mataupu lenei o faiga faatupu faalavelave ma o le a matua’i lē toe tuuina se avanoa i le lumanai i nei ituaiga uiga faatupu faalavelave.
Puna o Faamatalaga: https://www.bbc.com/news/articles/c4g5gq19n9zo
