Ua lipotia le vaaia o vaatau e 14 mai Saina faapea vaalele e fitu a le militeli ma paluni e fā e lata i Taiwan ma ua faamaonia mai lea tulaga e le Matagaluega o le puipuiga a Taiwan ma ta’ua ai e i le va o le Aso Toonai ma le Aso Sa na te’a nei sa vaaia ai lea tulaga a o faaauau pea ona finau ane Beijing o latou e ana Taiwan.
O le vaiaso na te’a nei na lipotia ai ni faamatalaga e faapea o loo ono faia ni faata’ita’iga faamiliteli a Saina e faataamilo i Taiwan o le tali ane lea i le malaga asiasi a le Peresetene o Taiwan na alu i le Pasefika ma afea ai Hawaii ma Guam.
O loo tumau pea le finau a Saina o Taiwan o lona teritori ma sa faia foi ni faamatalaga i le taimi ua te’a e faapea e mafai ona o latou fāoa Taiwan e tusa pe faaaogā ai le malosi’aga faamiliteli.
O le tali a Lai Ching le Peresetene o Taiwan ua ia valaau ai ia Saina ia taofia ia faamata’u na te lē mauaina ai le faaaloalo mai isi atunuu lalata ane.
Puna o Faamatalaga: https://www.9news.com.au/world/taiwan-reports-chinese-warships-and-balloons-near-the-island/88ff1307-df71-4a3f-9d6c-fdcf986b110e
