Ua aafia le atunuu o Taiwan i le typhoon o Kong Rey e pei ona o latou faaigoa ai se tasi lea o vaega loulouā o le tau e aafia ai i matagi matua’i malolosi ma faato’ā toe aafia lea i se tulaga faapea i le lata i le 30 tausaga.
O a’oga ma falefaigaluega i Taiwan na tapunia uma mai ananafi faapea foi supamaketi a o sauni ai tagata mo le taimi e aafia ai.
Ua lipotia o matagi na oo i le 200km i le itula le malolosi, lona uiga ua faatulaga i se afā i le Vaega lona 4 Category 4.
Ua taofia uma ma faalēaogāina malaga a vaalele ma vaa ma ua faailoa mai e silia ma le 70 le ‘aumanunu’a ma le tagata e to’atasi ua maliu, o se tinā e 56 tausaga na pa’ū se laau i luga o le taavale na iai ma maliu ai.
E tele fale ua motusia mai ai le eletise ma ua maua lipoti e faapea e lē masani ai se ituaiga typhoon malosi faapea i le taimi lenei o le tausaga.
O le typhoon season e masani ona pa’ū i le va o Iulai ma Setema o tausaga ta’itasi.
Ua lipotia e faasolo ina faaitiitia le malosi o le typhoon ma aga’i ese mai Taiwan i se taimi o le asō.
Puna o Faamatalaga: https://www.bbc.com/news/articles/c93qlxv594zo
