E ese foi se isi ituaiga auala ua faia e se tasi alii a’oga i Taiwan e faamanatu ai le aulia o le Tausaga Fou, na amata i se uiga fia mālie i le tausaga talu ai 2023 na ia valaaulia ai i luga o le facebook soo se tagata e fia faamanatu le tausaga fou in ia aga’i uma i le Taipei Daan Forest Park e fetagisi ai mo se ‘afa itula, faata’ita’i ai i se tasi o ata tifaga lauiloa a Taiwan Vive L’Amour lea na malo i le faaaliga o ata tifaga i Venice i le 1994.

Peitai la ua faailoa i lipoti o se aikia na amata mai e pei o se mea mālie e talie ai ae ua toeitiiti nei 16 afe tagata ua faailoa lo latou fia auai i lea fuafuaga.

O loo faaopoopo pea lea fuainumera mo i latou ua fia auai i le sauniga o le Tausaga Fou a taeao ma ua oo i le 33 afe.

E molimau isi sa iai i le sauniga i le tausaga talu ai e ese foi lagona ina ua tagi mo le ‘afa itula, faasoa ma isi sui auai, taumafa ma faatalanoa mafatiaga faaletagata.

Sa saunoa le alii na amataina lea fuafuaga Harry Li, faafetai ua maua se avanoa e aveese ai nisi avega mai isi ae sauni nisi manatu fou mo le 2025 ma ona foi lu’itau o faatali mai.

Puna o Faamatalaga: https://www.9news.com.au/world/some-cheer-and-toast-to-welcome-the-new-year-in-taiwan-people-cry-their-eyes-out/726461d7-e53b-4082-8bb9-507acab54b96