I le aso na sosoo ai mo le vaega lona lua o fonotaga a le Komiti o loo soalaupuleina mataupu faavaomalo e talanoaina ai se gaioiga faavaomalo e faamauina faaletulafono i le faalēaogāina o pepa uga poo le plastic, sa valaauina ai e le Taitaifono, o le galulue faatasi ai o sui uma mai atumotu laiti e soalaupule ma faatalanoa ni vaega e atagia ai mataupu o loo manaomia ona folasia e atumotu laiti tau atia’e.
E mai i pepa o faamatalaga a le ofisa o loo puipuia le siosiomaga lautele a le Pasefika(SPREP), o le sui tumau a Samoa i totonu o Malo Aufaatasi le Afioga Fatumanava-o-Upolu III Dr. Pa’olelei Luteru, na ia toe faapupula ai soo se gaioiga mai le faagasologa faifai pea a le komiti e tatau ona foia ai le aafiaga talafeagai o le faaleaogaina o plastics i tagata e aofia ai atunuu o le Motu o le Pasefika o ē o loo taimua i le faaletonu o le faaleagaina o plastic.
“O le taimi muamua lenei ua maua ai se avanoa tatou te omai ai faatasi talu mai le fonotaga muamua a le komiti i Uruguay, ma e ao ina tatou faafetaia lenei avanoa tāua tatou te feiloai ai e ala i la tatou galuega fai faatasi ina ia atina’e atumotu laiti i totonu o faiga faavae faavaomalo mo le faaleaogaina o le faaaogaina o plastics.
“I aso o i luma o loo loma ai nei faamoemoe, o le a tatou auai faatasi i faatalatalanoaga ma soalaupulega o mataupu e le faigofie ae e ao ona o tatou tutu faatasi e pau lea o le auala tatou te mafai ai ona faataunuu so tatou manaoga.”
E mai le tausaga 1990, o le faamalu lenei o atumotu laiti sa fai ma sui o le 39 o atumotu laiti i faiga faavae faavaomalo i mataupu tau suiga o le tau, atina’e faaauau ma le puipuiga o le ogasami.
“O se amataga manaia tele i le asō ina ua mae’a soalaupule nisi o vaega e agatonu ma lenei mataupu e pei ona tatou amata mai ai i le fonotaga a le komiti i Uruguay.
“Telē lava se tāua aemaise o le tele o nisi o mataupu o loo moomia le toe faatalanoaina faalauaitele.”
Ua mataituina nei e Samoa le faaauauina lea ona faufautua e tusa ai o mataupu faavaomalo o loo naunau sui o atumotu laiti e tagai iai e aofia ai le malupuipuia o fuafuaga ma maliega i mataupu matuia e pei o suiga o le tau, o ogasami, itu i le fofoga taumafa, malosiaga faafouina ma isi vaega tau le faatupeina e lagolagoina ai fuafuaga alualumamao i lalo o atiane faaauau, maliega i Pale i Farani aemaise le SAMOA Pathway.
