Ina ua tatala faitoto’a o Siamani i tagata sulufa’i sa sosola ese mai le taua i Sasae Tutotonu, ua faailoa e to’atele tagata na aga’i atu mai Suria nai lo se isi lava atunuu, sa sa’ilia ai o latou fale, maua ma galuega ma amata ai o latou aiga i Siamani.
Peita’i la i lipoti lata mai a le CNN ua ta’ua ai e foliga ua iai se tulaga lē mautonu i le matāupu e faatatau ia i latou ia ina ua faailoa e le faigāmalo a Siamani ua faamalosia lona tulaga i le matāupu e faatatau i tagata faimalaga atu i le atunuu aemaise o le manatu ua oo i le taimi ua tatau ona toe foi le to’atele i o latou atunuu ma aiga.
Fai mai le BBC o le taimi na amata taunuu atu ai tagata ia mai Suria i Siamani o le taimi a o tula’i mai le ta’ita’i o Siamani o Angela Merkel peita’i o le ta’ita’i fou ua iai nei o Friedrich Merz, ua ese foi a latou fuafuaga.
Ua faailoa e le ta’ita’i o Merz ua ia valaaulia le Peresetene o Suria, Ahmad al Sharaa i Berlin la te talanoaina lea matāupu.
Puna o Faamatalaga: https://edition.cnn.com/2025/11/09/europe/syrian-migrants-germany-repatriation-intl
