Ua maitauina lava le malosi o faiga a le vaega tete’e poo rebel i Suria ina ua molimauina le solomuli ai ma le agai ‘ese o vaega ‘au a le malo mai le faaitū o Hama o se tasi o aai tele i le atunuu.
Ma ua atili vaivai ai le malosi o le pulega a le Peresetene o iai nei o Bashar Al Assad.
O le aso ananafi na faailoa ai e le vaega’au a Suria o le a o latou agai ese mai mai le aai lea o Hama ma ua faailoa ai e Rebels, ē o loo ta’ita’ia e le ‘au Isalama o le Hayat Tahrir Al Sham poo le HTS, ua o latou faasaoloto le faitau selau o i latou sa taofia i le falepuipui a lea aai, i latou na sese ona loka i lea nofoaga.
O le lua ai lea o aai ua fāoa e le Rebels i le atoa ai o le vaiaso o fetaua’iga sa faia ma vaega’au a le Malo. o Aleppo lea na muai maua i le vaiaso talu ai ma ua faailoa o le a se’e atu i le isi aai o Homs i le itu isaute o le laumua o Suria, o Damascus.
Puna o Faamatalaga: https://edition.cnn.com/2024/12/05/middleeast/syria-rebels-hama-government-intl/index.html
