Ua faamaonia lava le faato’ilaloina o le faigamalo a Assad ma lona aiga mai Suria ina ua faato’ilalo e le vaega a le Rebels lea ua o latou puleaina foi totonu o le laumua o le atunuu o Damascus.

O se faamatalaga ua faasalalauina mai i le televise a le malo a Suria i le taeao o le aso ananafi ua faamanino ai le faato’ilaloina o le faigamalo a Assad ma ua faasa’oloto uma foi pagota mai le falepuipui.

E to’atele e maofa i le vave tele ona faato’ilaloina o lea foi pulega ua 50 tausaga o iai i le atunuu o Suria ma ua sola atu ai nei Assad ma lona aiga i Lusia.

Ua vaaia faafiafiaga i magaala ma le faamanatuina o se talutalu fou mo le atunuu.

E oo i ofisa faasalalau ua tusia ai faamatalaga i le laupepa fou o Suria ua amatalia nei.

E lē mailoa poo le ā tonu le tulaga o le a iai le puleaina o le atunuu ae o le vaega a le Rebels e ta’ita’ia e le kulupu a le HTS Hayat Tahrir al Sham lea na afua mai i le Al Qaida ma e faamauina i Ausetalia o se faalapotopotoga faatupu faalavelave e faapea foi i Amerika ma Malo Aufaatasi.

Puna o Faamatalaga: https://www.9news.com.au/world/syrian-insurgents-say-they-have-entered-damascus-as-residents-of-capital-report-sounds-of-gunfire/5311e54a-c6e1-4c9d-a398-be687791743c