E amata le masina o Fepuari i le Aso Tofi nei ma tulafono fou o recycle mo le tele o vaega o Niu Sila.
O suiga nei na faamoemoe e mo le atunuu atoa peitai e le o maua uma e Councils le ‘oa ma meafaigaluega e faamalieina ai suiga o loo sau ma tulafono.
E pei ona aumai e le faigamalo faatoa uma atu, o fuafuaga nei e laugatasia uma ai le atunuu atoa ma le aoina o le recycle.
O fagu plastic, trays ma containers o loo i lalo o le grade 1, 2 ma le 5 o lea o loo faataga ona tuu i totonu o le recycle bin e faapea foi pepa, tioata ma apa inu e ui e iai nisi o Councils e ao eseese.
Ae mo soo se tapuni e aofia ai ma tapuni o fagu ma le tele o plastics o loo lavea i lalo o le grade 3, 4, 6 ma le 7 faapea ai ma alumini o lea e lē o faatagaina.
Mai le matagaluega o le siosiomaga o le laugatasia o le faiga o loo aoina ai lapisi recycle o le a faasaoina mai ai le tusa ma le 36,000 tone o otaota e mafai ona recycle pe afai ae usitai uma tagata Kiwi.
