Ua faia nei suiga faaopoopo i pasi o loo faaaogaina e feaveai ai I latou o faanofoesea mo faamalositino

O le vaiaso talu ai na fefiloi ai tagata o faanofoesea I le faletalimalo a le Grand Mercure I le taimi na iai I luga o le pasi, atoa ai ma le leai o ni tali fofoga na faaaogaina

Ma o lea na finau ai tagata suesue faapitoa a le soifua maloloina agai I le malo ua tatau ona siitia le tulaga o loo faatapulaa ai auaunaga I tuaoi faapea ma nofoaga o loo faanofoesea ai tagata mai fafo

O se tasi o suiga na faailoa mai anapo o lea ua faaaoga pasi lua faitotoa, faaaoga ai e le avepasi le faitotoa I luma, ao le pasese e ulufale ma toe ulufafo ma le pasi I le faitotoa I tua

O lea foi o le a iai se tautalaga I le amataga o le faigamalaga e faamalosia ai le tatau ona faia o tali fofoga I taimi uma, ma e tatau ona tausisi I le nofoa e tasi i le agai ese ma le toe taliu I le faletalimalo

Mo le puipuia o le avepasi o lea o le a ia faaaogaina le tali fofoga ituaiga N95

Ae I le fuainumera o cases faamaonia mai ia I latou taunuu mai fafo, lua isi cases faamaonia mai ananafi ma o i laua nei na malaga faatasi mai ma le toasefulu mai Initia lea na faamaonia I le Aso Gafua o le vaiaso nei