O se tala fiafia mo Niu Sila, o le filifilia ai o se alo o le atunuu e auai ma taalo mo le ‘au a le Washington State University.
O lē ua faamanuiaina o le alii o Nathaniel Salmon, o se alii 21 tausaga na fanau ma ola a’e iinei i Aotearoa i Porirua.
Fa’aalia i ripoti ma faasalalauga, o se mataupu uiga ese foi lea i tala faasolopito i le taaloga o lakapi Amerika poo le American football, ona o la le itu- o Nathaniel e le’i taalo faatasi i lea taaloga, ae na taalo ma ua tele tausinioga ua auai ai mo le pasiketi polo poo le basketball.
Ta’ua i faamtalaga a o tausiniō Nathaniel i taaloga basketball i Ausetalia, o iina lea na faatalanoa ai e se tasi o scout o lea alo o le atunuu, e faafesili o ia pe fia auai polokalame mo lea taaloga.
Na ioe Nathaniel, ma o lea na amata ai loa ana taumafaiga mo le taaloga lakapi Amerika, ma o se tala fiafia o ana taumafaiga o lona talia ai o le ofa poo le konekarate mai le Washington State University e aoga ma taalo ai.
A o lei suia le taaloga e taalo ai Nathaniel, sa taalo faapolofesa o ia mo le ‘aqu pasiketi polo a le Manawatū Jets faapea le Wellington Saints.
Fa’aalia le fiafia tele ma le maofa o scouts poo ē e sa’ili i tama ma teine taaalo kalapu ma konekarate ‘ese’ese i taumafaiga a le alii 21 tausaga o Nathaniel Salmon. O se alii e iai ona faasinoga Maori.
Puna o Faamatalaga: http://rnz.co.nz/news/sport/583744/former-nz-basketball-player-nathaniel-salmon-accepts-american-football-college-offer
