O le alii e toatasi lea ua faamaonia le aafia I le koviti 19 ae o loo iai I le maota gasegase I Waitakere o loo lipotia sa ono aafia ao iai I seisi maota gasegase I le amataga o le vaiaso.
O loo faailoa e le televise tasi o lea alii pe a male 20 tausaga le matua sa I le falemai I North Shore I seisi gasegase e ese mai I le koviti 19 ma ua faamaonia mai ia faamatalaga e le matagaluega o le soifua maloloina .
O loo ua faia nei siaki a le aufaigaluega I le falemai lea ma o le a tapunia I le aso ma o gasegase sa ono iai I se tulaga e ono lamatia ai ma aafia I le koviti 19 mai lea gasegase o le a faanofoesea ma faia siaki I le falemai.
Ua faailoa pe a ma le 30 le aufaigaluega sa ono fesootai ma lea talavou ma e pe a ma le 107 gasegase na iai faatasi I le nofoaga na iai lea talavou ao iai I le falemai.
O gasegase ua tete’a I tua o le a tulituliloa e le aufaigaluega ina ia faia siaki ma fautuaina I tulaga e ao ona faatino mo le saogalemu.
O loo faamamaina nei le maota gasegase lea ma ole a faailoa mai I se taimi pe e iai nisi ua aafia I le koviti mai lea maota gasegase faaopoopo atu I le talavou e pei ona taua.
