O loo iai popolega o loo faafaigaluegaina e Saina nisi o tagata sa galulue i le vaega o le puipuiga a Ausetalia le Australian Defence Force, ma o loo faaaoga i latou ia e toleniina le latou militeli.
O le minisita o le puipuiga o Richard Marles ua ia ta’ua o faamatalaga ua tuuina atu ia te ia i le aso ananafi i le mataupu lea ua alagatatau ai ona faia se suesuega i tulafono mo tagata sa avea muamua ma sui o vaega’au a le atunuu.
Ua faia mai le faamatalaga lea a le minisita ae o le vaiaso foi talu ai na agiga ai nisi lipoti e faapea sa afea e Saina nisi o sui o le militeli a Ausetalia ina ia o latou faia toleniga.
Sa faailoa foi i lipoti talu ai mai le matagaluega o le puipiga a UK le faia o sa latou iloiloga ina ua afea foi e Saina tagata na tautua i le militeli a lo latou atunuu e latou te faafaigaluegaina.
