E 29 tausaga o Isamaeli Mataafa lea e iloa tele i lona igoa o Eli, o ia lea ua faamaonia mai o le tagata na fasiotia i le faaiuga o le vaiaso talu ai i se faalavelave na tupu i Berkeley i Amerika.

I lipoti a le ABC 7 News ua ta’ua ai e lona aiga ma uo o Eli sa aoaoina i le Pacific School of Religion i le polokalame o le Master of Divinity.

Fai mai se faamatalaga o Eli o se tasi o tagata iloa tele i le komiuniti Samoa i San Lorenzo ma o ia ma isi tagata e toatolu lea na aofia i se vevesi i fafo ane o le campus lea ae na o ia na maliu ai.

Molimau ana uo o Eli o se tagata e telē sona sao i lana aulotu aemaise le komiuniti Samoa i lea faaitu. 

Fai mai leoleo i le faaitu lea o loo galulue pea i le mataupu lenei ae lei iai lava se isi ua molia i lenei faalavelave.