E toalima talavou i le nofoaga o le Oranga Tamariki justice facility na feaei i luga o le taualuga o le nofoaga lea o le Rollestons Te Puna o Wai o Tuhinapo i le tea o le ‘afa o le 8 i le po anapo e pei ona faamaonia mai e le sui ofisa sili o lea auaunaga i le televise tasi, Rachel Leota.
Fai mai le faamatalaga o le toalima lea na mafai ona toe aumaia i lalo mai le taualuga i le fesoasoani mai leoleo a o lei taina le 12 i le po anapo.
O le toatasi o i latou ia ua taofia e pei ona faailoa e Leota ma o le a faia le iloiloga a le Oranga Tamariki i lenei mataupu.
Ua ta’ua foi i le lipoti na faamanualia ai ma se tasi o le aufaigaluega e lē tigaina tele manuaga ona o lenei faalavelave.
E le o faailoa maia le mafuaaga na faatino ai e i latou ia lea gaioiga ae o loo faaauau nei iai suesuega.
