E silia ma le tasi afe le aufaufale na faasese i le feau na maua ananafi ua uma le aoga o o latou laisene.

O le faaletonu i le system e pei ona tautino le Matagaluega o pisinisi ma galuega o le mafuaaga lea, ma ua faatoese mai ai i le aukamuta na aafia.

I faamaoniga e pei ona lipotia e le leitio a Niu Sila e 1835 le aufaufale na oo iai le feau ua tatau ona toe faatalosaga laisene ma ua taofia mo se taimi le tumau laisene e faatinoina ai galuega kamuta.

O loo suesue nei e le matagaluega pe faapefea ona tupu lea sasi ma ua galulue foi ia aua nei toe tupu.