Na ave e leoleo tagata e toatolu e tusa ai o le faamanualia tigaina o se tagata sa iai i le pamu penisini i New Lynn i Aukilani.

Ta’ua i lipoti mai leoleo i le taeao nei e faapea, o le ‘afa o le ono i le afiafi i le pamu penisini a le Gull i Clark Road na tupu ai lea faalavelave.

E toatolu tagata na ave e faapea na maua mai se tasi o fale i Mt Albert, ma o le tagata e 21 tausaga, o lea ua molia i le faaoomanua ma le umia faasolitulafono o le laau malosi, ae o le isi toalua ua toe tatala e aunoa ma ni moliaga.

O loo faaauau pea suesuega i lenei mataupu aemaise o lē ua faamanualia, ma ua talosaga mai ai leoleo i soo se tasi e silafia nisi faamatalaga ia fesootai atu.