Lipotia i le asō se faia o suesuega i se talavou na agai ane i le falemai i Middlemore ma manuaga mai se fana.
Fai mai leoleo o le talavou e 18 tausaga na momoli ane e se tasi o ana uo i le falemai i Middlemore poo le toe kuata i le fa i le vaveao ma o loo feta’ua’ina i lipoti o le talavou na afaina i se fana a o iai i Great South Rd i Papatoetoe.
Fai mai e le tuga manuaga i lona lima ma le tua ae o loo suesue foi e leoleo le isi faalavelave i Mt Wellington fai mai na lipotia ane ai le tafanaina o se fale i Tomuri Place ma e toalima tagata na iai i lea fale i le taimi lea ae lei iai se tasi na aafia.
O loo faaauau i le asō suesuega a leoleo i faalavelave uma nei e lua.
