O se faalavelave na tulai mai i le itu i Sisifo o Sini i le faaiuga o le vaiaso na maua atu ai ni alii se toalua ua tatui e ni tagata sei tulou.
Ta’ua i lipoti a le 9News na maua atu e le fesoasoani faavavave le alii e 48 tausaga ma le 34 tausaga i Flushcombe Road i Blacktown i le leva o le po.
Na togafitia i laua ia i le nofoaga na maua iai ma avatu ai i le falemai i Westmead e fai si tigaina e pei ona faailoa e leoleo.
Na faia se suesuega i le nofoaga na maua atu iai i laua ia ma o loo faaauau pea suesuega.
I se isi lipoti mai le 7News ua ta’ua ai e foliga o nisi mai se koneseti sa faia i se nofoaga lalata ane, o loo aofia i lenei mataupu.
Na faailoa i nisi lipoti na maua e talafou o le koneseti lea na faia o se alo o Samoa.
