O loo sailia i le taimi nei e leoleo se augaoi o loo tuuaia i ni faalavelave tutupu mai i Brisbane ua faaleagaina ai taavale ma nisi meatotino ua gaoia ma se aoga ua osofaia e se tasi.

Ua lipotia mai e leoleo e lē na o le faatasi ona faatino e i latou ia ni osofaiga i le po lea na matauina ai meapueaat a le CCTV ma sa feoai solo ai i lea faaitu ma osofaia se fale ma gaoia ai se taavale o le ituaiga le mercedes SUV.

Sa iai si tina e ana le taavale i le fale ma si ana fanau e toafā ina ua osofaia e le vaega lea.

O le vaiaso foi lava lea na tea nei na osofaia ai foi nisi o fale i lea lava faaitu ma e lei maua lava e leoleo i latou ia.

Ua talosagaina nisi e silafia i latou ia ina ia fesootai vave ane i leoleo.