O loo sue nei e leoleo le tagata na tafanaina se fale i le itu i Sisifo o Sini i le taeao analeila ma sola ese ai.
Ta’ua e leoleo sa valaau ane i latou i se fale i Mountain View Crescent i Penrith ae lei tāina le tasi i le vaveao analeila ina ua faalogoina le pāpā ane o fana.
E leai se tasi o faamanualia ai ae o loo faia le suesuega a leoleo i le fale lea. O loo talitonuina o se taavale na vaaia o agai ese mai ma lea nofoaga ina ua mae’a ona tafanaina le fale.
O leoleo suesue faapitoa o loo feagai ma le suesuega.
Talosaga leoleo i se tasi o silafia ni faamatalaga i lenei mataupu ina ia fesootai atu i se ofisa o leoleo lata ane.
