O loo su’e nei e leoleo le avetaavale i se mataupu o loo feta’ua’ina na lavea ai se tagata i se taavale ae lei tu ane le taavale.

Fai mai lipoti a le 9News na valaau ane le fesoasoani faavavave i Abell Rd i Melonba, o se pitonuu i Blacktown poo le te’a o le 11 i le po anapo, fai mai o se tagata ua faamanu’alia i le autafa o le alatele.

Na togafitia e paramedics lea tagata e talitonuina o se tamā pe ā ma le 70 tausaga le matua, ae na lipotia le maliu ai lava i lea nofoaga ma o loo tālia se faamaoniga aloaia poo ai sia tagata.

O loo faagasolo i le asō le su’esu’ega ae ua ta’ua i le lipoti na lavea lea tagata i se sedan uliuli na agai ane i luga o Abell Rd.

Ua galulue nei leoleo i le tuufaatasia o se lipoti mo le coroner.

Puna o Faamatalaga: https://www.9news.com.au/national/police-search-for-driver-after-sydney-alleged-hit-and-run/1f1bfeb3-643f-4ff5-9656-85ef2133c090