Ua faaulu le tagi a le Iuni faasaga i le matagaluega a le soifua mālōlōina ma le tala e solitulafono ana vāea.

E faitau afe tagata faigaluega i le matagaluega ua fuafua e vāea, ma o se tasi o faai’uga ua faia i lalo o faatonuga mai le malo ona e moomia le faasao o tupe faaalu.

O le masina o Tesema lea na lipotia mai toeitiiti o le ‘afa o tagata e galulue i le vaega o tekonolosi, e silia lea ma le afe o loo fuafua e o i le vāea.

O le tagi foi ua faaulu e le Iuni ua faatalosagaina ai le Employment Relations Authority na te tuuina mai se poloa’iga e taofia ai lea fuafuaga, ma o loo tu malosi lava foi le iuni o le vāea ua ta’uta’u i lalo o le vaega o tekonolosi o le a matua’i afaina ai ma faamaumauga o tagata lautele.

I se tali mai le soifua mālōlōina e tusa ma le tagi ua faaulu, e lē mafai ona soona toe aumai se isi tala ona o lea ua i luma o le tulafono.

Puna o Faamatalaga: Union files legal action against Health NZ over proposed cuts