E taunuu atu le Tupu o Spain, King Felipe VI i Valencia i le nofoaga na aafia tele i lōlōga i le vaiaso talu ai, ae tau’ai ane e se kulupu o tagata mai lea faaitu ma tauvalaau ane iai ni faamatalaga lē manuia.
Lipotia e le BBC na tauvalaau ane tagata i le Tupu, o le fasioti tagata ma fesiligia ai pe aisea na lē vave alu atu ai i le taimi o feagai le faaitu lea ma mafatiaga.
E lē o lipotia se tali a le ta’ita’i o le atunuu i ia amioga ae silia i le 200 na maliliu mai lōlōga ia i le vaiaso talu ai i magāala o Valencia ma le to’atele o loo tau sailia pea.
Na malaga faatasi atu le Tupu ma lana Masiofo peitai ua lipotia na tau’ai faatasi ane ai i la’ua i palapala faatasi ai ma le Palemia ma isi ta’ita’i na malaga faatasi ane.
E ui la i ia tulaga ae na vaaia i nisi ata le Tupu ma lana Masiofo o feiloa’i ma nisi sa i magāala a o lei toe malaga ese mai Valencia.
Puna o Faamatalaga: https://www.bbc.com/news/articles/c5ypgjg2jrpo
