O le faafetai a le afioga i le Tamaaiga afioga i le Tui Aana Tuimalealiifano Vaaleto’a Sualauvi II, i le Palemia ma le Kapeneta aemaise o le Fofoga Fetalai, ma sui mamalu o le Palemene ona o lona toe filifilia i le tofiga Ao Mamalu o le Malo, i le tuanai o le 5 tausaga muamua o lana nofoaiga.
O lana malelega i le mae’a ona faatauto e le afioga i le Faamasino Sili, le afioga Satiu Simativa Perese, na ia afea ai taimi sa souā ai le vasa i le lima tausaga muamua a o ia tauave le tofiga.
O se vaega o le malelega mai le afioga i le Ao Mamalu o le Malo, afioga Tuimalealiifano Vaaleto’a Sualauvi II, i le mae’a ai ona faatauto e tauave le tofiga mo le isi lima tausaga.
