Search
Nofotane market
Photo: Samoa Global News

Sologa lelei le polokalame o le “Nofotane” mo tinā o Vaiafai i Savaii

Ua faaauau pea ona selesele e tinā o loo auai le polokalame a le Nofotane poo tinā o loo mau paolo i isi nuu fua o galuega mai fesoasoani a le Iuni a le Mālō o Europa e ala i le atinae o Pisinisi laiti e maua ai seleni e lagolago ai i a latou fuafuaga faaleaiga. 

O le afioaga i Vaiafai i Iva Savaii ua iai nei se nofoaga maketi ua faatau ai fua o Faatoaga faapea taumafa i se taumafaiga fesoasoani i tinā nofotane o le polokalame.

Ua faailoa e le Faalapotopotoga o le Toomaga mo e Puapuagatia (Samoa Victim Support Group) o le maketi i Vaiafai o se isi lea taumafaiga ua tino mai o le polokalame ua avea ma avanoa faaauro mo le tinā o Fetu Michael mo le nuu o Fatausi ua faatau atu ai faaeleeleaga o ana Faatoaga ma ua maua ai seleni e fesoasoani i le atinae o le aiga.

Taua e Fetu “Talu ona auai i le polokalame mo Nofotane ua ia iloa ai le aoga ma le taua le telē o le tupe e maua mai i soo se ituaiga faatoaga e pei o Faatoaga talo, ufi, o le togā niu ma le tele o mai faatoaga e mafai ona galueaina i luga o le eleele”

Taua foi e lona aiga “E telē le sao o le maketi a Fetu i le atinaega o lo matou aiga, o le totogi ina o pili a si ma fanau ma faatau soo se vaega e manaomia e tamaiti. O Lea foi ua amata se matou teugatupe mo le lumanai o seleni lava e maua mai i le maketi”.

O le afioga o Vaiafai e to’a 15 tinā o sui o le faalapotopotoga o le Toomaga mo e Puapuagatia o loo galulue ai.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required