O se solo tetee filemu a tagata e lagolagoina Palesitina ua vaaia foi ua faia i fafo ane o le nofoaga o loo faataunuu ai le fonotaga lona 52 a le Pacific Island Forum lea e talimalo ai Rarotonga. 

Fai mai lipoti o le pule o le faleofu o le Tav Pacific o Ellena Tavioni lea e taitaia lea solo tetee filemu.

O le latou finau e mananao i taitai o le Pasefika ina ia o latou tetee atu i le fasiotia o tagata Palesitina ma tamaiti i Gaza. 

Na faailoa e Tavioni i le RNZ Pacific e tatau i taitai o le Pasefika ona o latou tetee atu i nei tulaga ina ua mae’a ona palota Atumotu o le Pasefika i le tetee atu i le iai o se gaioiga a Malo Aufaatasi i le vevesi o loo tulai mai i Gaza.