O le vaiaso nei o loo usuia ai se fonotaga i Fiti a le totino autu e faia faaiuga a le iunivesite o le Vasa Pasefika le University of the South Pacific poo le USP.

O lea fonotaga e lē taumate o le a tuuina ane ai ma se tali i le solo tetee na faia a tagata faigaluega o le USP lea sa faia i le aso ananafi ona o tulaga i totogi ma valaau ai mo le aveesea o le sui faaao o le Iunivesite o Pal Ahluwhalia.

Ta’ua e le RNZ o le lē fiafia o le aufaigaluega ona e lei tuuina e le pro chacellor ma le taitaifono o le council se pepa a le aufaigaluega i le faagasologa o mataupu o le fonotaga.

O le Peresetene la o le asosi o tagata faigaluega i le USP, Elizabeth Fong na ia ta’ua i le lipoti o le pepa lea e pei ona lipotia o loo aofia ai ni finagalo faaalia e faatatau i le fetuunaiga o totogi o le aufaigaluega atoa ai ma se fautuaga e tofia se sui faaao fou.

Fai mai Fong o le VC o iai nei ua na o le tele o le tautala ae leai se faatinoga.

O loo tālia la se iuga o le fonotaga o loo faagasolo i le vaiaso nei.