Ua amata alia’e aafiaga lē lelei o solo tetee e pei ona vaaia i le asō i le itu i Sisifo o Sini i uta o kalone lapisi ua lē aoina mo le tele o ia faaitu e mafua mai i solo tetee a auaunaga e faatinoina.
Ua faamaonia mai e le Pulega o le aai o Blacktown e 24 lelei faaitu e aofia ai Mt Druitt, Rooty Hill ma Riverstone o loo aafia i lenei faaletonu ma ua lapataia foi isi faaitu.
O se mataupu ua faailoa ai le lē fiafia o le toatele o tagata i ia faaitu aemaise ona o lea sa feagai ma faatasiga a aiga ma aso faamanatuina ma matuai manaomia ai le aoina o le lapisi auā ua tutumu uma le tele o kalone lapisi.
E molimau nisi o se tulaga lē manuia aemaise e ono aafia ai foi le siosiomaga ma le soifua maloloina o tagata.
Fai mai se isi faamatalaga sa tuuina e le NSW Industrial Commission se sā ina ia aua ne’i faia se solo tetee a aveloli lapisi i le taimi o le Kerisimasi ae foliga e lē o ano ane iai lea auaunaga.
