Ua toe tuu i lalo tusitusiga e fesootai ma le sui momo’e ia Wayne Brown ona ua soli ai tulafono o faigapalota.

O tusitusiga nei na salalau i luga o le WeChat i le gagana a Saina ae o loo faalauiloa ai le igoa o Wayne Brown lea o loo momo’e mo le tofi pulenuu o Aukilani.

Ina ua logotala le ofisa na fesootai ai loa se tasi o sui o le ofisa i le vaiaso talu ai ia Brown ma faailoa iai ua soli tulafono o faigapalota.

O le account na faaaoga e faia ai nei faasalalauga, o le Wayne Brown Elections.

Na lipotia e le leitio a Niu Sila, e lei iai se silafia o le sui tauva i lea account WeChat ma na ta’ua o ni faasalalauga na faia e se tasi e lagolagoina o ia.

Ae mai le sui o loo toalua ma Brown, Efeso Collins na ia ta’ua lona faanoanoa i lenei tala.