I le vaiaso mulimuli o le masina o Iulai na amata ai ona faagasolo le taamilosaga lakapi mo le Ipu a le Tai’ta’ifono le Chairman’s Cup, o le Aso To‘ona‘i na te‘a nei na taualuga ai le lima vaiaso o lea taamilosaga ma ua sola ai le ‘au lakapi a Falealili lea na la sailia ma le ‘au a Apia le siamupini o le taamilosaga.
O ‘ai o le taaloga Falealili 25, Apia e 24. O isi ‘au sa tausinio i le taamilosaga o le ‘au a Palauli ma Satupa’itea ua saofai i le tulaga 10, tulaga iva o Safata, Itu o tane i le tulaga valu, tulaga fitu Aana West, Faasaleleaga ua maua le tulaga ono ae tulaga lima ai Aleipata. O Siumu ua maua le tulaga 4, ma le ‘au a A’ana i le tulaga 3.
O le lagolago autu o le taamilosaga o le Federal Pacific Finance.
