E ui i le tele o vaega o loo tulai mai i Samoa i le tau sailia pea lea o se faigamalo e le’o muta ai le faatinoga o galuega a le tele o Matgaluega a le Malo e pei o le Matagaluega o le Soifua Maloloina, o le Pulega o Tagata Tafafao Maimoa mai Fafo faapea ai Alii ma Tamaitai fomai i le faagasologa pea o le faia o tui puipui a tagata lautele.
Talu mai le aso ananafi lea ua faamaonia mai le to’a 20,553 tagata nuu Samoa ua maea ona fai o latou tui puipui. Mai lenei fainumera e toa 11,535 Alii ae toa 9018 tamaitai.
O loo faagasolo pea tuiga i Itumalo o Faleata 3 ma Faleata 4 i lenei vaiaso , ae o loo tatala pea nofoaga autu o tui puipui mo soo se tasi lava ua iai le manao e fai loa lona tui puipui e pei o le Ofisa Autu o Soifua maloloina.
O le nauanutaiga i le faia ai o nei tui puipui ie mo le saogalemu o tagata lautele mai le faamai oti o le Koviti19 ae le gata i lea ina ia mafia ona toe tatala alavaa a le atunuu mo faigamalaga i fafo atu o Samoa.
