E toalua alii mai Niu Sa Uelese ua molia i le money laundering poo teugatupe faasolitulafono ina ua feta’ua’ina na maua e leoleo le silia ma le 2 miliona tala o tupe ina ua faatū atu le la loli i le itu i Matu o Ausetalia i Saute.
Fai mai o Port Augusta West na taofia ai le loli i le taeao ananafi, na sue e leoleo le loli ma maua ai le vaegatupe tele lea e tolu lelei ato na teuina ai.
O i laua e toalua ua molia e 29 ma le 23 tausaga le matutua ma ua teena le talosaga e tatala i tua ma o le asō e tutulai ai i le faamasinoga i Port Augusta.
