Faitau selau afe tagata o loo faamoemoe I meaai mai food charity I Aukilani I masina taitasi ao le faigofie ai le taugata o le soifuaga.

Molimau mai le New Zealand Food Network lea o loo ia toe faasaoina mai meaai na semanu e lafoai, ua maitauina le faatupulaia pea o tagata e moomia le fesoasoani.

165% na alu ai I luga le toatele o tagata moomia le fesoasoani I le amataga o le tausaga lenei, ma e afa ane le tausaga ua toe faaopoopo le isi 20% I luga o lea aofai.

A faatusa I taimi o le Koviti sa faamauina le 450,000 I le masina, ao le taimi lenei o lea ua tusa ma le 600,000 tagata e moomia le fesoasoani I totonu o le masina, tusa lea ua latalata I le 11% o le toatele o tagata Niu Sila.

Ona o le tele tele o le manao mai tagata lautele, o lea foi ua faia ai le faalauiloa a le Food Network o loo faatalosagaina ai le fesoasoani mai pisinisi e le gata I foai tau meaai ae faapea ai tupe.