Silia ma le 90 faigamalaga ua faalēaogāina i le malae vaalele i Sini i le asō a o fautuaina ai le setete i timuga mamafa.
Fai mai le 9News o le taimi nei o loo faaaogāina runways uma i le malae vaalele peitai o le faasolo mai i le aoauli o le a faasolo ina malosi le savili ma ono iai ni suiga e faia ai.
O le tele o faigamalaga ua faalēaogāina o malaga i totonu lava o Ausetalia ae pe ā ma le 4 faigamalaga faavaomalo o loo aafia.
Faamatalaga mai le sooupu a le malae vaalele ona o tulaga loulouā o le tau ua mafua ai ona faatuai nisi faigamalaga ma faalēaogāina foi isi ma ua unaia pasese ia siaki agai i lana kamupani vaalele ua fuafua e malaga ai mo ni suiga ia latou faigamalaga pe afai o iai.
Puna o Faamatalaga: https://www.9news.com.au/national/nsw-queensland-weather-live-updates-heavy-rain-flash-flooding-latest-news-headlines/bea2e581-3819-4b06-95ce-eeab583c2362
