E silia ma le 30 kilo o fualaau faasāina ua feta’ua’ina mai na maua o nanā mai i totonu o se loli faataitai, model truck, ma se uta na aumaia mai Thailand i Ausetalia nei.
O se uta aumai le vaa alalo e aofia ai le loli lea na taunuu i Port Botany i le aso 16 o Mati.
Fai mai sui o le Australian Border Force na o latou maua iai le 35 kilo o fualaau faasāina o nanā mai totonu o se vaega o le loli ma e silia ma le 100kilo le mamafa ma pe ā ma le 10 miliona lona tau pe silia foi ma le 14 miliona le street value.
Ua aveesea mai le sapalai lea e leoleo ma toe tuufaatasi uma le aitema sa iai i le loli ia foliga ai e lei tagofia e se tasi.
Fai mai na ave sa’o atu le loli i se nofoaga i Haymarket ma i le mae’a o le lua vaiaso ua pueina ai nei e leoleo le tagata lea sa ia taliaina le uta ma e toe tulai i le faamasinoga i le aso 24 o Me.
O le faasalaga aupito maualuga o lea solitulafono o le soloatoa i le falepuipui.
