O le fesoasoani a le Malo o Iapani e manuia ai tagata lautele na auala mai ai se foai tupe e 612 afe tala, faaopoopo iai le sailiga seleni a le asosi o mātua ma faiaoga le PTA a le Kolisi o Avele, na maua ai le tau atoa e tasi le miliona 280 afe tala na fausia ma toe faafou ai le hall a lea kolisi a le malo.
O le faai’uga o le vaiaso ua mavae na umusa ai le galuega ma avea ai le Sui Palemia ma le sui o le Malo o Iapani ma saunoaga aami o le umusaga, ae ooti e le Fofoga Fetalai o le Palemene le lipine o se tasi sa a’oa’oina i le kolisi i tausaga ua tuanai.
I se pepa o faamatalaga ua faailoa ai e le sui o Iapani i Samoa le fesoasoani pea o lona Malo i atina’e e pei o a’oa’oga auā o le lumanai manuia lea o se atunuu o alo ma fanau ia lelei vaega uma e aooga ai e pei o le hall ua mae’a ona faafou ma toe fausia nisi o vaega.
Ua iai se umukuka, ma faleui e faaaogā e fanau, ma ua fausia ai foi se fata poo le stage.
