O pisinisi laiti o loo faagaioia i se vaega o le nofoaga faatali pasi i Savalalo, o loo silasila nei iai suesuega a leoleo ona o vevesi a nisi o fanau aoga i le vaiaso ua tuanai, ma iloa ai pe toe faaauau ona faia pea ia pisinisi i lea nofoaga, pe ua tatau loa ona siitia i le nofoaga o loo iai pisinisi laiti e pei o faleaiga lea ua i se vaega i tua ane o le maketi i Fugalei.

Ua laumanu’ia i se lipoti ni aafiaga o nisi o loo faagaioia ia pisinisi i le faatupuina o vevesi na tulai mai, ma o se tasi lea o mafuaaga e le o mafai e le sui Komesina o leoleo ina ua fesiligia i le fono ma tusitala i le vaiaso na tea nei, poo le a tonu le fesootaiga o pisinisi ia ma fanau aoga na aafia i le vevesi, lea ua molia ai se isi faipisinisi i lona umia o se laupapapa na ia faaoolima ai i nisi o fanau a’oga.

O pisinisi o loo faia i tua atu o le nofoaga faatali pasi o loo faaaoga se vaega o le nofoaga o le malae fatu.