O le lē lagolagoina e Minisita e toaiva o le lafo o le lē faatuatuaina sa tuuina atu i le Palemene e le Faipule o Gagaifomauga 3 o ia foi o le Taitai o le Vaega Faaupufai o le Faatuatua i le Atua Samoa ua Tasi, sa fesiligia ai se finagalo o le susuga Laauli Leuatea Polataivao Fosi Schmidt ina ua tafea le latou lafo sa autu ile faasolomuli ese o le Palemia ma lana kapeneta.

E pei ona silafia o ni vaiaso a o lumanai le faatinoina o lea lafo sa tuliloa ai le Taitai o lea Vaega Faaupufai i faipule e toaiva ua i totonu o le kapeneta e ese mai le toaono na muamua faia iai le faaiuga e faatulai ese mai le latou vaega faaupufai.

Sa faailoa e le susuga Laauli o le toaiva lea o loo tumau pea i le latou faafaletui, ae sa molimauina e le atunuu le tulaga na oo iai le lafo ina ua tutulai uma  le kapeneta e toa sefululima minisita e aofia ai le palemia ma teena le lafo o le le faatuatuaina a le faipule o Gagaifomau 3, lea sa faaopoopo iai ma le lagolago a le taitai ma sui faipule o le itu agai, maua ai le aofaiga e 32 na palota e teena le lafo.  

O le finagalo o le Taitaifono ma le Taitai o le Vaega faaupufai o le Faatuatua i le Atua Samoa ua Tasi le susuga Laauli Leuatea Polataivao Fosi Schmidt i le feiloaiga ma tusitala ile aso Faraile na tea nei.