Ua faia le faai’uga a le Fair Work Commission poo le komisi o galuega talafeagai i Ausetalia nei e faatatau i le totogi aupito maualalo o tagata faigaluega i Ausetalia lea o le a siitia. 

Faitau miliona tagata faigaluega i Ausetalia o le a maua le siitaga lea i totogi e 5.2 pasene ua siitia ai mai le totogi sa iai talu ai. O lona uiga la o le totogi maualalo o le tagata o le a iai mo le itula o le $21.38 sene i le itula.  

Fai mai le Komisi o nei suiga e ono amata faamamalu i le uluai piliota totogi o le masina o Iulai. E ui i le fiafia o le to’atele i sia faamanuiaga ua faailoa mai peitai fai mai le to’atele o le tulaga faigata ma le taugata o le tau o le soifuaga i le taimi nei o le a matuai faigata ai foi ona iloa se eseesega o ia totogi fou.