Ua amata maua mai le amataga o Iulai le siitaga o totogi mo le Defence Force.
O siitaga nei o totogi e le gata mo le toatele o le aufaigaluega o loo iai i le taimi nei ae faapea sui fou faatoa amata ma e i le va o le $4000 ma le $15,000 lenei siitaga.
Fai mai le minisita o le Defence Force, Andrew Little o se siitaga o loo sau mai le paketi o lenei tausaga ma ua atoa ai le $4.7 piliona fesoasoani tupe a le malo ua faaalu mo le Defence Force talu mai le 2017.
E mafanafana Little e le gata o le a fesoasoani tele i le tau sailia mai o tagata fou ae faapea le taumafai ia faatumau le aufaigaluega tuai.
O se faasilasilaga ma se faaiuga ua faia ai ina ua mae’a ona sau tala e tusa ma le 10% o le aufaigaluega a le Defence Force, e tusa lea ma le 800 na faamavae i le tausaga talu ai.
O le siitaga fou o totogi ua faailoa mai mo le Defence Force e amata aloaia mai le aso muamua o Iulai 2023.
