Silia ma le $2000 lea o le a faaopoopo I luga o le tau e faanofoesea ai I latou e taunuu mai I Niu Sila ma visa le tumau poo temporary visas
O lea e $3,100 mo le 14 aso, peitai o le siitaga o le a faga ai I luga I le $5520 mo le tagata muamua, $2990 mo le tagata matua faaopoopo ae $1610 mo le tamaititi faaopoopo
O I latou nei o le a aafia I lenei siitaga e aofia ai paaga a tagata sitiseni pe nofomau Niu Sila o loo omai I visa tafao, visa aoga poo student visas, visa faigaluega ma limited visa
I se faamalamalamaga mai le vaega o gafa ma nofoaga o faanofoesea ai I latou mai fafo, o lenei siitaga e le o tauina atoa ai le tau e faanofoesea ai, o loo totogiina lava e le malo le isi vaega E amata faamamalu nei tau fou mai le aso 25 o le masina nei, ma o le a aafia ai ma I latou ua maea taofia mai o latou potu I nofoaga e faanofoesea ai, seia vagana ai I latou e ulufale I nei fale e le I aulia le aso 25 o Mati
