Ua faailoa ē ua manumalo nei i le Australia’s Got Talent mo le tausaga lenei 2022 ma latou manumaloina ai le faailoga tupe e 100 afe tala Ausetalia.
O le tausinioga lenei e toaono i latou na maua avanoa i le finals sa faatautaia i le po anapo ma o faamasino e aofia ai le tamaitai fai ata tifaga ma o se tagata faasalalau foi o Kate Richie, Shane Jacobson, Alesha Dixon ma David Wallams.
O le palotaina o le act poo le taleni aupito sili sa tuuina lava i le au maimoa a Ausetalia e faia iai a latou palota.
O le tausaga muamua lenei i le show ua valaaulia ai ma taleni faavaomalo ma ua atili felanulanuai ai taleni faaalia i le polokalame o lenei tausaga. O le vaega la ua sola ma le manumalo o lenei tausaga o le ‘au a tamaitai le acrobatic gymnastics group faaigoaina Acromazing.
Ua faamatala e le latou sui o Maddi Lacey i le Channel 7 o se faaiuga ua suia ai olaga ma o latou faafetaia ai le atunuu sa palota mo i latou aemaise foi o taleni uma sa faaalia.
