I lenei vaitau o tulaga faigata ma luitau foi ua feagai ma le toatele i tulaga tau le soifuaga i aso taitasi, o loo iai se isi vaegatupe faaopoopo e ono maua ai se mapusaga mo nisi e pei ona faailoa mai e le ofisa o tupe maua a Niu Sa Uelese, NSW Revenue lea ua valaau ai nei i tagata i Niu Sa Uelese ina ia siaki pe le o latou e agavaa i tupe lea o loo teuina pea i le latou ofisa, o unclaimed funds lea ua oo atu i le 500miliona o loo iai i le taimi nei.

O le faamalamalamaina o ia tupe e pei ona lipotia i le 9News ua ta’ua ai o unclaimed revenue ia e maua ane mai mataupu e pei o share dividends, trust accounts, refunds, komisi ma tupe maua ane mai estate a tagata ua maliliu.

Fai mai le ofisa o le latou matafaioi o le faailoa lea i tagata o ia faamaumauga ia saili ai pe iai se tasi e agavaa i ia tupe ma tuuina loa iai.

Faailoa e le ofisa o loo iai se vaega o le auaunaga i luga o upega tafailagi a le Faigamalo a Niu Sa Uelese e mafai ona taina iai faamaumauga ona faailoa ane lea pe iai se share poo se faamanuiaga mai ia tupe o agavaa iai le tagata, e tatau ona iai se faamaoniga ma faamalieina foi tuutuuga a le ofisa faatoa mafai ona faamatuu atu sea vaegatupe ia i latou e agavaa ai.