O le aso 15 o Iulai lea o lea faatautaia ai le Malafoni a le Lalolagi i le motu tele i Salafai.
O lenei tauvaga sa faaigoaina o le Savaii Marathon mai le tausaga 2016 seia paia le 2018.
Na ta’ua e le Faatonu Sili o le Samoa Events, Seti Afoa, e sefulu atunuu o le a auai o Amerika, Niu Sila, Siamani, Polani, Farani, Meleisia, Thailand, United Kingdom, Netherlands, Samoa ma Sweden.
“E pau na o atunuu lea o le a tauva, ae mo le ‘au a Samoa e toatasi lea ua mae’a lesitala mo le aotelega atoa o le malafoni.”
O lenei faamoemoe o loo fesoasoani ai le Pulega o Tagata Tafafao Maimoa mai Fafo. O sui uma o le a tauva e $200 Niu Sila e totogi ona mafai lea ona auai.
