E iai texts poo feau tusitusia tau faasese o loo sau faafoliga o se feau mai leoleo, ma o lea ua lapatai ai tagata.

O le text lenei o loo faapipii mai ai ma le link e peiseai e fesootai ma le upega tafailagi a le matagaluega o leoleo peitai e leai.

O le scam, ma fai mai le sooupu a leoleo e le tatau ona tatalaina pe tali foi iai ae e tatau ona lipotia agai i le matagaluega o le va i fafo.

Ua faamautinoa mai ai foi e le ofisa leoleo e le fesootai mai leoleo i ni text ma ni link faapea.

E tai tutusa lava le text lenei o loo sau i lalo o le igoa o leoleo ma le isi foi text ua tele ina sese ai le toatele lea e faapea e sau mai le Waka Kotahi, Inland Revenue poo faletupe foi.

O le numera o loo tele ina faaaoga mai e le au taufaasese e amata i le 64 poo le 61.