Na tutulai le Palemene o Niu Sila e faailoa le faaaloalogia o le tautalaga a le peresetene o le atunuu o Ukraine, Vlodomyr Zelensky ina ua mae’a sana saunoaga i le Palemene i le taeao ananafi e ala i fesootaiga faaonaponei na fesootai sa’o mai ai i le Palemene o Niu Sila.
I lana lauga na ia viia ai Niu Sila ma le vave o lana gaioi e fesoasoani atu ia Ukraine i lona finau ai mo lona tutoatasi ma le amiotonu.
Sa ia talosagaina foi le tumau pea o le lagolago a Niu Sila pe afai ae mae’ a le taua i Ukraine ma valaau ai mo le galulue faatasi i tulaga faavaomalo ma galuega toe faaleleia.
O le taeao analeila na folafola ai e le malo o le a tuuina atu le isi 3 miliona faaopoopo o le fesoasoani mo tagata Ukraine.
