Sauni le Qantas e ofo ni faamanuiaga mo ana paaga i lana polokalame mo le faia o tuipuipui

Ua valaau nei le faauluuluga o le Qantas , Alan Joyce mo kamupani Ausetalia ina ia unaia le faaaogaina o ni faamanuiaga e faamalosia ai tagata lautele ina ia faia tuipuipui o le faamai.

Ole polokalame a le kamupani mo le faia o tuipuipui lea e amata ia Iulai, o le a ofoina ai nisi o fuafuaga e aofia ai faigamalaga e leai se tapulaa mo ni aiga se 10 I totonu o le tausaga. 

Fai mai le lipoti I le Stuff o loo vaavaai le kamupani ile tuuina o le afe o togi poo points I vouchers mo faigamalaga ma credits ma o le a ofoina foi nisi o faailoga tetele se 10 e mafai ai se aiga e toafa ni ona tagata ona faimalaga e aunoa ma se tapulaa I vaalele a le Qantas ma le Jetstar I soo se nofoaga I totonu o le tausaga.

Taua foi e Joyce o loo galulue foi le kamupani vaalele ma le pisinisi a le Accor Group mo le ofoina o togi e miliona ma le nofofua I nofoaga ua saunia mo aiga o le a manumalo.

O loo taulai le silasila a le kamupani ile unaia o tagata Ausetalia ina ia faia tuipuipui ma o loo tumau pea foi le fuafuaga a le kamupani ina ia toe faia faigamalaga faavaomalo I le faaiuga o le tausaga ma o loo galulue faatasi ai ma le malo o Ausetalia.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required