E oo atu i le 70 fitafita Ausetalia o le a malaga atu i le United Kingdom i nai aso o muamua e amata toleniga o vaegaau a Ukraine auā le taua faasaga ia Rusia.
O i latou o le a malaga atu e mai le vaega o le puipuiga a Ausetalia ma o le a faia se feiloaiga e faamavae aloaia ai ma i latou ia i Darwin a o lei agai atu e auai ai i le Operation lea e aofia ai ma vaegaau a Peretania, Operation Interflex ua faamoemoe e mafai ona toleniina ai fitafita e 20 afe a Ukraine i le tausaga nei.
Na saunoa le minisita o le puipuiga a Ausetalia, Richard Marles o le a iai pea le sao o le militeli a Ausetalia i le fesoasoani ai ia Ukraine i le taua lea faasaga ia Rusia.
O le operation lea sa amata faagasolo mai ia Iulai o le tausaga talu ai ma o loo aofia ai foi ma Niu Sila, Kanata ma le Netherlands.
