O loo iai nei le Palemia o Ausetalia, Anthony Albanese i Amerika mo le faamautuina o le maliega ma le faiga faavae o tulaga tau le puipuiga a le atunuu i lalo o le AUKUS lea e aofia ai ma vaamaulu faaniukilia ua leva ona feta’ua’ina.
O loo i San Diego le Palemia lea o le a sauni ai e faalauiloa auiliili faamatalaga o lea maliega ma le Peresetene o Amerika faapea le Palemia o Peretania.
O se tasi lenei o mataupu o loo tulituliloa e le toatele i le itu tau le puipuiga mo Ausetalia ae ua lipotia foi i le ABC, o lea maliega o le a maua ai le tusa ma le 20 afe o avanoa faigaluega ae oo atu i le 200 piliona e faaalu ai.
